Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

త్వరలో ప్రారంభం కానున్న రామస్వామిగుట్ట ఇందిరమ్మ మోడల్ హౌసింగ్ కాలనీ

Author
Posted By Praja Nestham Jwala News
| 06 Nov 2026, 04:36 PM |
త్వరలో ప్రారంభం కానున్న రామస్వామిగుట్ట ఇందిరమ్మ మోడల్ హౌసింగ్ కాలనీ

2,160 ఇళ్ల నిర్మాణ పనుల పరిశీలన.. మిగిలిన పనులు నాణ్యతతో త్వరగా పూర్తి చేయాలని అధికారులకు మంత్రి ఉత్తమ్ కుమార్ రెడ్డి ఆదేశం

సూర్యాపేట, నవంబర్‌ 6 (ప్రజానేస్తం జ్వాల): హుజూర్‌నగర్ నియోజకవర్గ కేంద్రంలోని రామస్వామిగుట్ట వద్ద 110 ఎకరాల విస్తీర్ణంలో నిర్మిస్తున్న 2,160 ఇందిరమ్మ ఇళ్ల మోడల్ హౌసింగ్ కాలనీని త్వరలో ప్రారంభించనున్నట్లు రాష్ట్ర పౌరసరఫరాలు, నీటిపారుదల శాఖ మంత్రి కెప్టెన్ నల్లమాద ఉత్తమ్ కుమార్ రెడ్డి తెలిపారు.

శుక్రవారం మంత్రి కాలనీని సందర్శించి నిర్మాణ పనులను పరిశీలించారు. విద్యుత్ సౌకర్యం, వీధి దీపాలు, గ్రీనరీ, తాగునీటి వసతి, పైలాన్ స్తూపం, సభాస్థలి తదితర అభివృద్ధి పనులను సమీక్షించారు. మిగిలిన పనులను నాణ్యతా ప్రమాణాలతో త్వరితగతిన పూర్తి చేయాలని సంబంధిత అధికారులను ఆదేశించారు. కాలనీలో నాటిన మొక్కలకు క్రమం తప్పకుండా నీరు అందించి అవి ఎండిపోకుండా సంరక్షించాలని సూచించారు.

ఇవి కూడా చదవండి

ఇందిరమ్మ ఇళ్ల లబ్ధిదారుల ఎంపిక ప్రక్రియ పూర్తిగా పారదర్శకంగా నిర్వహించాలని మంత్రి స్పష్టం చేశారు. అత్యంత అర్హులైన పేదలకు ప్రాధాన్యతనిస్తూ, ప్రతి దరఖాస్తును క్షుణ్ణంగా పరిశీలించాలని, ఎలాంటి అవకతవకలకు తావులేకుండా ఎంపిక ప్రక్రియ చేపట్టాలని అధికారులకు సూచించారు.

ఈ కార్యక్రమంలో ఎంపీ రఘువీర్ రెడ్డి, జిల్లా కలెక్టర్ తేజస్ నంద్ లాల్ పవార్, ఎస్పీ కే. నరసింహ, ఆర్డీవో శ్రీనివాసులు, హౌసింగ్ పీడీ జబ్బార్, వివిధ శాఖల అధికారులు, స్థానిక ప్రజాప్రతినిధులు, గుత్తేదారులు తదితరులు పాల్గొన్నారు.