Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

నిషానీ గ్రామంలో ఘనంగా దండారి ఉత్సవాల ముగింపు!

Author
Posted By Praja Nestham Jwala News
| 13 Nov 2026, 06:33 PM |
నిషానీ గ్రామంలో ఘనంగా దండారి ఉత్సవాల ముగింపు!

ఆదివాసీ సంస్కృతి, సంప్రదాయాలకు అద్దం పట్టిన కొలబోడింగ్ వేడుకలు.. ఏడు రోజుల పాటు వైభవంగా ఉత్సవాలు

కెరమెరి, నవంబర్ 13 (ప్రజానేస్తం జ్వాల): కొమురం భీం ఆసిఫాబాద్ జిల్లా కెరమెరి మండలంలోని నిషానీ గ్రామంలో వారం రోజుల పాటు సంప్రదాయబద్ధంగా సాగిన దండారి ఉత్సవాలు శుక్రవారంతో ఘనంగా ముగిశాయి. దీపావళి పర్వదినాన్ని పురస్కరించుకుని ఉమ్మడి ఆదిలాబాద్ జిల్లాలోని ఆదివాసీ గిరిజనులు అత్యంత పవిత్రంగా భావించే ఈ ఉత్సవాలను ఏటా ఏడు రోజుల పాటు భక్తిశ్రద్ధలతో నిర్వహించడం ఆనవాయితీగా వస్తోంది. ఉత్సవాల ముగింపు సందర్భంగా నిషానీ గ్రామంలో కొలబోడింగ్ కార్యక్రమాన్ని ఆదివాసీ ఆచార వ్యవహారాల ప్రకారం సంప్రదాయబద్ధంగా నిర్వహించారు. గుస్సాడీ నృత్యాలు, సంప్రదాయ వాయిద్యాల మోత, ప్రత్యేక వేషధారణలు, సాంస్కృతిక ప్రదర్శనలు వేడుకలకు ప్రత్యేక ఆకర్షణగా నిలిచాయి. గిరిజన కళాకారుల నృత్యాలు, ప్రదర్శనలు గ్రామస్థులను ఆకట్టుకున్నాయి.

దండారి ఉత్సవాలు కేవలం పండుగ వేడుకలకే పరిమితం కాకుండా ఆదివాసీ జీవన విధానం, సామాజిక ఐక్యత, ఆచార సంప్రదాయాలకు ప్రతీకగా నిలుస్తాయి. పూర్వీకుల నుంచి వారసత్వంగా అందిన సంస్కృతి, సంప్రదాయాలు, కళారూపాలను భావితరాలకు పరిచయం చేయాలనే లక్ష్యంతో గిరిజనులు ఈ ఉత్సవాలను తరతరాలుగా కొనసాగిస్తున్నారు. ఏడు రోజుల పాటు నిషానీ గ్రామంలో పండుగ సందడి నెలకొనగా, కొలబోడింగ్ కార్యక్రమంతో ఉత్సవాలకు సంప్రదాయబద్ధంగా ముగింపు పలికారు. ఆదివాసీ సంస్కృతి వైభవాన్ని చాటిచెప్పిన ఈ వేడుకలు గ్రామస్థుల్లో ఆనందోత్సాహాలను నింపాయి.

ఇవి కూడా చదవండి