Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

ముల్కనూర్‌లో ఘనంగా నాగుల చవితి వేడుకలు!

Author
Posted By Nagilla Rajinikanth
| 13 Nov 2026, 06:10 PM |
ముల్కనూర్‌లో ఘనంగా నాగుల చవితి వేడుకలు!

భీమదేవరపల్లి, నవంబర్ 13 (ప్రజానేస్తం జ్వాల):

హనుమకొండ జిల్లా భీమదేవరపల్లి మండలం ముల్కనూర్ గ్రామంలో నాగుల చవితి పర్వదిన వేడుకలు భక్తిశ్రద్ధలతో, ఆధ్యాత్మిక వాతావరణంలో ఘనంగా నిర్వహించారు. గ్రామంలోని సమ్మక్క గద్దెల సమీపంలో కొలువై ఉన్న శ్రీ నాగేశ్వరీ ఆలయం భక్తుల సందడితో కిటకిటలాడింది.

నాగుల చవితిని పురస్కరించుకొని తెల్లవారుజాము నుంచే ముల్కనూర్‌తో పాటు పరిసర గ్రామాలకు చెందిన మహిళా భక్తులు పెద్ద సంఖ్యలో ఆలయానికి చేరుకున్నారు. ఆలయ ప్రాంగణంలోని నాగుపుట్ట వద్ద పాలు పోసి, కొబ్బరికాయలు సమర్పించి, పసుపు, కుంకుమలు, పూలు, నైవేద్యాలతో నాగదేవతకు ప్రత్యేక పూజలు నిర్వహించారు. భక్తులు సంప్రదాయబద్ధంగా పూజా కార్యక్రమాల్లో పాల్గొని మొక్కులు చెల్లించుకున్నారు.

ఇవి కూడా చదవండి

ఈ సందర్భంగా తమ కుటుంబ సభ్యులు ఆయురారోగ్యాలతో, అష్టైశ్వర్యాలతో, సుఖసంతోషాలతో వర్ధిల్లాలని, పాడిపంటలు సమృద్ధిగా ఉండాలని నాగదేవతను భక్తులు మనస్ఫూర్తిగా ప్రార్థించారు. మహిళా భక్తులు అధిక సంఖ్యలో పాల్గొని భక్తిపారవశ్యంతో పూజలు నిర్వహించడంతో ఆలయ పరిసరాలు ఆధ్యాత్మిక శోభను సంతరించుకున్నాయి.

నాగుల చవితి పర్వదినాన్ని పురస్కరించుకొని గ్రామంలో పండుగ వాతావరణం నెలకొనగా, భక్తుల రాకతో శ్రీ నాగేశ్వరీ ఆలయం సందడిగా మారింది. సంప్రదాయాలు, ఆధ్యాత్మిక విశ్వాసాలకు ప్రతీకగా నిలిచే ఈ వేడుకలను భక్తులు ఉత్సాహంగా జరుపుకున్నారు.