Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

బాలసముద్రంలో భారీగా అక్రమ ఔషధ నిల్వలు స్వాధీనం

Author
Posted By Marelli kiran
| 07 Nov 2026, 09:20 PM |
బాలసముద్రంలో భారీగా అక్రమ ఔషధ నిల్వలు స్వాధీనం

హనుమకొండ, నవంబర్ 7 (ప్రజానేస్తం జ్వాల): హనుమకొండ నగరంలోని బాలసముద్రం ప్రాంతంలో డ్రగ్ లైసెన్స్ లేకుండా అక్రమంగా మందులు నిల్వ ఉంచి విక్రయిస్తున్న స్థావరంపై ఔషధ నియంత్రణ శాఖ అధికారులు ఆకస్మిక దాడులు నిర్వహించారు. ఈ తనిఖీల్లో సుమారు రూ.15 లక్షల విలువైన వివిధ రకాల ఔషధ నిల్వలను స్వాధీనం చేసుకున్నారు.

బాలసముద్రంలోని ఓ నివాస గృహాన్ని అక్రమ మందుల నిల్వ, విక్రయ కేంద్రంగా వినియోగిస్తున్నట్లు ఫార్మసిస్ట్ సంక్షేమ సంఘం నాయకులు ఔషధ నియంత్రణ శాఖ అధికారులకు సమాచారం అందించారు. ఈ సమాచారంతో స్పందించిన డ్రగ్ కంట్రోల్ అడ్మినిస్ట్రేషన్ అసిస్టెంట్ డైరెక్టర్ రాజ్యలక్ష్మి ఆధ్వర్యంలో అధికారులు సంబంధిత నివాస గృహంపై ఆకస్మికంగా తనిఖీలు చేపట్టారు.

ఈ సందర్భంగా డ్రగ్ లైసెన్స్ లేకుండా నిల్వ ఉంచిన భారీ మొత్తంలో మందులను గుర్తించి స్వాధీనం చేసుకున్నారు. అక్రమంగా ఔషధాలను నిల్వ చేయడం, విక్రయించడం చట్టవిరుద్ధమని అధికారులు స్పష్టం చేశారు. ప్రజల ఆరోగ్యంతో ముడిపడిన ఔషధాల విక్రయాల్లో నిబంధనలు తప్పనిసరిగా పాటించాలని సూచించారు. ఈ దాడుల్లో డ్రగ్ ఇన్‌స్పెక్టర్ జె. కిరణ్ కుమార్‌తో పాటు ఔషధ నియంత్రణ శాఖ సిబ్బంది పాల్గొన్నారు.

ఇవి కూడా చదవండి