Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

పార్ట్‌టైం అధ్యాపకుల సమస్యల పరిష్కారానికి కృషి చేస్తా: ఎమ్మెల్యే నాయిని

Author
Posted By Marelli kiran
| 30 Oct 2026, 09:18 PM |
పార్ట్‌టైం అధ్యాపకుల సమస్యల పరిష్కారానికి కృషి చేస్తా: ఎమ్మెల్యే నాయిని

హనుమకొండ, అక్టోబర్ 30 (ప్రజానేస్తం జ్వాల):

కాకతీయ విశ్వవిద్యాలయంతో పాటు రాష్ట్రంలోని వివిధ డిగ్రీ, పీజీ కళాశాలల్లో పనిచేస్తున్న పార్ట్‌టైం అధ్యాపకుల న్యాయమైన సమస్యల పరిష్కారానికి తనవంతు సహకారం అందిస్తానని వరంగల్ పశ్చిమ ఎమ్మెల్యే నాయిని రాజేందర్ రెడ్డి హామీ ఇచ్చారు. నూతనంగా ఎన్నికైన పార్ట్‌టైం అధ్యాపకుల సంఘం ప్రతినిధులు శుక్రవారం ఎమ్మెల్యేను మర్యాదపూర్వకంగా కలిసి పుష్పగుచ్ఛం అందించి సత్కరించారు.

ఈ సందర్భంగా అధ్యాపకులు తమ సమస్యలను ఎమ్మెల్యే దృష్టికి తీసుకెళ్లారు. కాంగ్రెస్ పార్టీ ఎన్నికల మేనిఫెస్టోలో ఇచ్చిన హామీలను అమలు చేయడంతో పాటు, దీర్ఘకాలంగా పనిచేస్తున్న తమ సేవలను పరిగణనలోకి తీసుకోవాలని విజ్ఞప్తి చేశారు. తమ ఉద్యోగ భద్రత, సేవా సంబంధిత సమస్యల పరిష్కారానికి ప్రభుత్వం చొరవ చూపాలని కోరారు.

ఇవి కూడా చదవండి

అధ్యాపకుల విజ్ఞప్తులపై సానుకూలంగా స్పందించిన నాయిని రాజేందర్ రెడ్డి, నవంబర్ 2వ తేదీన ప్రభుత్వ పెద్దలు, ఉన్నత విద్యామండలి అధికారులను స్వయంగా కలిసి సమస్యలను వారి దృష్టికి తీసుకెళ్తానని తెలిపారు. పార్ట్‌టైం అధ్యాపకులకు న్యాయం జరిగేలా సంబంధిత అధికారులతో చర్చించి పరిష్కారానికి చిత్తశుద్ధితో కృషి చేస్తానని స్పష్టం చేశారు.