🏠 prajanesthamjwalanews.com
Watermark
Clip Header Logo
Date of Publish : 27 October 2026, 4:57 pm Posted by : Praja Nestham Jwala News

పోలీస్ అమరవీరుల సంస్మరణ వారోత్సవాల్లో సేవా కార్యక్రమం

News Image
అమరుల స్ఫూర్తితో రక్తదానం.. 101 యూనిట్ల రక్తం సేకరణ

స్వయంగా రక్తదానం చేసిన వరంగల్ పోలీస్ కమిషనర్ ఎన్. శ్వేత ఐపీఎస్

వరంగల్, అక్టోబర్ 27 (ప్రజానేస్తం జ్వాల):

పోలీస్ అమరవీరుల సంస్మరణ వారోత్సవాలను పురస్కరించుకుని వరంగల్ పోలీస్ కమిషనరేట్ ఆధ్వర్యంలో, రెడ్‌క్రాస్ సంస్థ సహకారంతో భీమారంలోని శుభం ఫంక్షన్ హాల్‌లో మంగళవారం రక్తదాన శిబిరం నిర్వహించారు. ఈ శిబిరంలో మొత్తం **101 యూనిట్ల రక్తాన్ని సేకరించారు.** అమరవీరుల త్యాగాలను స్మరించుకుంటూ నిర్వహించిన ఈ సేవా కార్యక్రమం మానవత్వానికి ప్రతీకగా నిలిచింది.

ఈ శిబిరంలో వరంగల్ పోలీస్ కమిషనర్ ఎన్. శ్వేత, ఐపీఎస్ స్వయంగా రక్తదానం చేసి ఇతరులకు ఆదర్శంగా నిలిచారు. పోలీస్ అధికారులు, సిబ్బంది ఉత్సాహంగా పాల్గొని రక్తదానం చేశారు.

రక్తదానం.. ప్రాణదానంతో సమానం

ఈ సందర్భంగా పోలీస్ కమిషనర్ ఎన్. శ్వేత మాట్లాడుతూ.. అత్యవసర పరిస్థితుల్లో రక్తం ఎంతో విలువైనదని, రక్తదానం ద్వారా ఆపదలో ఉన్న వారి ప్రాణాలను కాపాడే అవకాశం ఉంటుందని తెలిపారు. ఆరోగ్యవంతులైన ప్రతి ఒక్కరూ స్వచ్ఛందంగా రక్తదానం చేసి సామాజిక బాధ్యతను చాటుకోవాలని పిలుపునిచ్చారు.

ప్రజల ప్రాణరక్షణ కోసం విధి నిర్వహణలో ప్రాణాలర్పించిన పోలీస్ అమరవీరుల త్యాగాలను స్మరించుకుంటూ, సమాజానికి మేలు చేసే సేవా కార్యక్రమాలు నిర్వహించడం స్ఫూర్తిదాయకమని ఈ సందర్భంగా పేర్కొన్నారు.

ఈ కార్యక్రమంలో ఈస్ట్ జోన్ డీసీపీ అంకిత్ కుమార్, సెంట్రల్ జోన్ డీసీపీ ధార కవిత, అదనపు డీసీపీలు సురేష్, వి. శ్రీనివాస్, ఏసీపీలు మధుసూదన్, నరసింహారావు, సత్యనారాయణ, ఏఆర్ ఏసీపీలు నాగయ్య, అనంతయ్య, సురేంద్రతో పాటు సీఐలు, ఎస్‌ఐలు, ఆర్‌ఐలు, ఆర్‌ఎస్‌ఐలు, ఇతర పోలీస్ అధికారులు, సిబ్బంది పాల్గొన్నారు.అలాగే రెడ్‌క్రాస్ సొసైటీ రాష్ట్ర పాలక మండలి సభ్యులు ఇ.వి. శ్రీనివాస్ రావు, జిల్లా పాలక మండలి సభ్యులు కె. రాకేష్ రావు, రెడ్‌క్రాస్ సిబ్బంది పాల్గొన్నారు.
🏠 Home