🏠 prajanesthamjwalanews.com
Watermark
Clip Header Logo
Date of Publish : 16 October 2026, 10:33 am Posted by : Praja Nestham Jwala News

కీతవారిగూడెంలో ఘనంగా శ్రీ కనకదుర్గమ్మ శరన్నవరాత్రి ఉత్సవాల సందర్భంగా సామూహిక కుంకుమార్చన

News Image
నూతన దేవాలయంలో సామూహిక కుంకుమార్చన.. బ్రహ్మశ్రీ రాయప్రోలు శ్రీరామయ్య శర్మ మంత్రోచ్చారణల మధ్య పూజలు

మహిళా భక్తులు, గ్రామ ఆడపడుచులు పెద్ద సంఖ్యలో పాల్గొనాలని ఆలయ కమిటీ ఆహ్వానం


కీతవారిగూడెం (ప్రజానేస్తం జ్వాల):
సూర్యాపేట జిల్లా గరిడేపల్లి మండలం కీతవారిగూడెం గ్రామంలోని శ్రీ మారెమ్మ, అంకమ్మ, మద్దిరావమ్మ, శ్రీ కనకదుర్గమ్మ దేవతల ఆలయంలో శరన్నవరాత్రి ఉత్సవాలు భక్తిశ్రద్ధలతో అంగరంగ వైభవంగా కొనసాగుతున్నాయి. గ్రామంలో నూతనంగా నిర్మించిన దేవాలయంలో తొలిసారిగా నిర్వహిస్తున్న నవరాత్రి ఉత్సవాలతో గ్రామంలో ఆధ్యాత్మిక సందడి నెలకొంది.

నవరాత్రి ఉత్సవాల్లో భాగంగా ప్రతిరోజూ ఉదయం సుప్రభాత సేవతో పాటు ఆరు గంటలకు అమ్మవార్లకు అభిషేకం, కుంకుమార్చన, అష్టోత్తర పూజలు నిర్వహిస్తున్నారు. జగన్మాతను వివిధ రూపాల్లో అలంకరించి ప్రత్యేక పూజలు చేస్తుండటంతో భక్తులు ఆలయానికి చేరుకుని అమ్మవార్లను దర్శించుకుంటున్నారు.

రేపు మహాలక్ష్మి అవతారంలో అమ్మవారు.. సామూహిక కుంకుమార్చన
శరన్నవరాత్రి ఉత్సవాల్లో భాగంగా రేపు అమ్మవారిని మహాలక్ష్మి అవతారంలో అలంకరించి ప్రత్యేక పూజలు నిర్వహించనున్నట్లు ఆలయ కమిటీ సభ్యులు తెలిపారు. ఈ సందర్భంగా గ్రామంలోని నూతన దేవాలయంలో తొలిసారిగా సామూహిక కుంకుమార్చన కార్యక్రమాన్ని నిర్వహించనున్నట్లు వెల్లడించారు.
గ్రామ పురోహితులు బ్రహ్మశ్రీ రాయప్రోలు శ్రీరామయ్య శర్మ గారి మంత్రోచ్చారణల మధ్య ఈ పవిత్ర కుంకుమార్చన కార్యక్రమం జరగనుంది. వేదమంత్రాల నడుమ నిర్వహించే ఈ పూజా కార్యక్రమంలో మహిళా భక్తులు, గ్రామ ఆడపడుచులు పెద్ద సంఖ్యలో పాల్గొని అమ్మవారి ఆశీస్సులు పొందాలని కమిటీ సభ్యులు కోరారు.
మహిళా భక్తులకు ఆలయ కమిటీ ఆహ్వానం
నూతన దేవాలయంలో శరన్నవరాత్రుల సందర్భంగా తొలిసారిగా నిర్వహిస్తున్న సామూహిక కుంకుమార్చనను విజయవంతం చేసేందుకు గ్రామంలోని మహిళలందరూ తమ వంతు సహకారం అందించాలని కమిటీ సభ్యులు విజ్ఞప్తి చేశారు. భక్తిశ్రద్ధలతో పూజల్లో పాల్గొని అమ్మవారి కృపాకటాక్షాలకు పాత్రులు కావాలని కోరారు.
గ్రామ ప్రజలంతా సుఖసంతోషాలతో, ఆయురారోగ్యాలతో ఉండాలని అమ్మవారిని ప్రార్థిస్తూ నవరాత్రి ఉత్సవాలను ఘనంగా నిర్వహిస్తున్నట్లు కమిటీ సభ్యులు తెలిపారు.
🏠 Home